ഓര്‍മ്മകള്‍ക്ക് മരണമില്ല...

ജ്യോനവനെ ഓര്‍ക്കുന്നില്ലേ?

"പവിത്രമായ പാതകളേ,
പാവനമായ വേഗതകളേ,
കേള്‍ക്കു ന്നില്ലേ?
ചെവിയുരിഞ്ഞു വീണതിന്നൊപ്പം.
ഒരു 'ഹമ്മര്‍' കയറിയിറങ്ങിയതാണ്‌."
എന്ന അവസാന വരികള്‍ കവിതയിലൂടെ കുറിച്ച് "ഇനി മുതല്‍ മിണ്ടാതിരുന്നുകൊള്ളാമേ" എന്ന അവസാന കമന്റിലൂടെ നമ്മളെയൊക്കെ സ്തബ്ധനാക്കി, അക്ഷരങ്ങളിലൂടെ നമുക്കിടയില്‍ ഇപ്പോഴും ജീവിക്കുന്ന പ്രിയ കവി! ജ്യോനവനെന്ന ഒരു വലിയ വിടവു ബാക്കിയാക്കി നവീന്‍ നമ്മെ വിട്ടു പോയിട്ട് ഈ ഒക്ടോബര്‍ 3നു രണ്ട് വര്‍ഷം തികയുന്നു...
'മരി'ക്കുമെന്നുറപ്പുണ്ട്.
എന്നാലും;
വള്ളി മാറ്റിയിട്ട്
'രമി'ക്കുമെന്നുമാത്രം
ഒരുറപ്പുമില്ല!

എന്ന് പറഞ്ഞ് വെച്ച് അകാലത്തില്‍ മരണത്തിന്‌ കീഴടങ്ങിയ നമ്മുടെ പ്രിയ കവി!
"ഈച്ചയുണ്ണാത്ത
ജീവിതം നയിച്ച്
കൊതുകൂറ്റാത്ത
വിപ്ലവം ശീലിച്ച്
പുഴുവരിക്കാത്ത
മരണം സ്വന്തമാക്കണം"

എന്ന് പറഞ്ഞ് മരണത്തെ തോല്പിച്ച ജ്യോനവന്റെ നിറസ്മരണകള്‍ക്കു മുന്‍പില്‍...

സ്നേഹത്തോടെ...

ഓണാശംസകള്‍!

കരിഞ്ഞ മൊട്ടിന്‍ ഉയിര്‍ത്തു പാട്ടായ്
കവിളില്‍ പതിയെത്തഴുകാന്‍
വിടര്‍ന്ന പൂവിന്‍ സ്മിതമായ് മാറാന്‍
വിധുവിന്നൊളിയായ് തീരാന്‍...

അഗ്നി...

ഉത്തരങ്ങള്‍ ആത്മഹത്യ ചെയ്ത
ശ്മശാനത്തില്‍ എല്ലുകള്‍ ചിരിക്കുന്നു,
ജീവിതത്തിന്റെ പൊരുള്‍ തിരിച്ചറിഞ്ഞ്,
ചോദ്യങ്ങളുടെ സമ്യദ്ധിയും
ഉത്തരങ്ങളുടെ മഹാശൂന്യതയും
ഇത് യാത്രയുടെ ബാക്കിപത്രം.

...കള൪ഫുള്ളാണ്.

കൗമാരത്തിന്റെ ആദ്യദശയില്‍ ഈശ്വരസ്നേഹത്തെക്കുറിച്ച് ഞാ൯ എന്തോ എഴുതിയിരുന്നു.
സ്നേഹത്തിനു ഞാ൯ പല കളറുകളിട്ടു.
വഞ്ചിക്കുന്ന സ്നേഹത്തിന്, വഞ്ചിക്കപ്പെടുന്ന സ്നേഹത്തിന്‌ പല നിറങ്ങള്‍ ഞാ൯ കൊടുത്തു.
അങ്ങനെയല്ലാത്തവയ്ക്ക് പരിശുദ്ധിയുടെ വെളുത്ത നിറവും കൊടുത്തു.

പറഞ്ഞുവന്നത്...
പ്രണയം കള൪ഫുള്ളാണ്.
അതിന് വിശ്വസ്ഥത കൈവരുന്നത് അതിന്റെ വ൪ണ്ണശബളത പോയി അവിടെ വിശുദ്ധിയുടെ വെള്ള വരുമ്പോഴാണ്‌.

അമ്മയുടെ സ്നേഹം എപ്പോഴും തൂവെള്ളയാണ്‌.
അങ്ങനെ ഞാ൯ ഒരുപാടു സ്നേഹത്തിനു ഒരുപാടു നിറങ്ങളും കാരണങ്ങളും കണ്ടെത്തി.

പക്ഷെ,
ഈശ്വരസ്നേഹം വന്നപ്പോള്‍ ഒരു 'കടുത്ത' ശൂന്യത.
അങ്ങനെ അത്‌ നിറമില്ലാത്തതായി. ആ സ്നേഹത്തില്‍ എല്ലാ സ്നേഹവും കാണാം, അനുഭവിക്കാം.

('ജ്യോനവന്‍റെ അനുഭവക്കുറിപ്പുക'ളില്‍ നിന്നും)